“Янги Ўзбекистон олимпия чўққилари” навбатдаги босқич мусобақаларига ҳудудларда юқори тайёргарлик кўрилмоқда

Мазкур мусобақанинг енгил атлетика спорт тури бўйича минтақа босқичларларини ўтказиш учун ҳудулардаги спорт иншоотларининг тайёргарлик ҳолатлари Енгил атлетика бўйича Республика олий спорт маҳорат мактаби директори Дилшод Авазов томонидан кўздан кечирилди. 

Хусусан, Тошкент шаҳри, Сирдарё, Жиззах, Самарқанд ва Сурхондарё вилоятларидаги мавжуд спорт майдонлари, енгил атлетика спорт турнинг дастурларини камчиликларсиз ташкил этиш учун спорт жиҳозларининг мавжудлиги ва спортчилар учун зарур шарт-шароитлар ўрганилиб, ташкил этилиши зарур бўлган ишлар юзасидан таклифлар берилди.

Жумладан, Самарқанд вилоятидаги Спортнинг ўйин турлари ва енгил атлетика бўйича ихтисослаштирилган спорт мактаби, Зомин тумани спорт мактаби, Жиззах шаҳри олимпия ва паралимпия спорт турларига тайёрлаш маркази каби манзилларда енгил атлетика дастурларига киритилган йўналишлардаги мусобақаларни камчиликларсиз ўтказиш зарурлиги таъкидланди.