“Янги Ўзбекистон Олимпия чўққилари”га тайёргарлик юзасидан видеоселектор йиғилиши ўтказилди

Шу муносабат билан бугун Ўзбекистон Республикаси Президентининг спорт бўйича вакили Одил Абдурахманов раислигида мазкур босқични жойларда юқори савияда ўтказиш масалаларига бағишланган видеоселектор йиғилиши бўлиб ўтди.

Онлайн йиғилишда Спорт вазирлиги, Ўзбекистон Миллий Олимпия қўмитаси раҳбарияти, федерациялар вакиллари ҳам иштирок этди. Кун тартибига мувофиқ, масъуллар биринчи босқич натижалари, иккинчи босқич беллашувларини ўтказиш учун спорт иншоотларининг тайёргарлиги ҳамда мусобақаларга пухта ҳозирлик кўриш юзасидан ҳисобот тақдим этдилар.

Йиғилиш давомида расмийлар ҳудудий босқич баҳсларини юқори даражада ташкил этиш, мусобақаларда шаффофлик ва адолатли ҳакамликни таъминлаш, аввал йўл қўйилган камчиликларни бартараф этиш, шунингдек, иштирокчилар учун қулай шарт-шароитлар яратиш бўйича тегишли топшириқлар бердилар.