"Янгиобод" базасида йиғинга тайёргарлик кўрилмоқда

Ўзбекистон бокс федерацияси ҳам ўқув-машғулот йиғинини бошлашга тайёргарлик кўрмоқда. Шу муносабат билан федерация бош котиби Муроджон Мамадалиев бошчилигидаги ишчи гуруҳ Тошкент вилояти Ангрен шаҳрида жойлашган "Янгиобод" базасида бўлди. У ерда айни пайтда карантин қоидаларига мос равишда йиғин бошлаш учун ишлар олиб борилмоқда. Базадаги бир қатор объектлар, жумладан ошхона, ётоқхона, ювиниш хоналари, машғулот заллари дезинфекция қилиб борилмоқда, бу борада тегишли кўрсатмалар берилди.

Ўзбекистон бокс федерацияси матбуот хизмати