28 май 10:40
Янгиликлар

Велоспорт

Янина Кускова — "Tour of Bostonliq Ladies" кўп кунлик пойгасининг илк босқич ғолиби!

Тошкент вилоятининг Бўстонлиқ туманида велоспортнинг шоссе йўналиши бўйича аёллар ўртасида 2.2 классификациядаги "Tour of Bostonliq Ladies" кўп кунлик пойгаси старт олди.

Мусобақанинг илк босқичи доирасида спортчилар 20 км масофага шахсий вақт яккалик пойгасида беллашди.

Баҳс якунига кўра, аёллар миллий терма жамоамиз аъзоси Янина Кускова ғалаба қозонди. Ундан кейинги ўринлар эса Қозоғистоннинг "Astana Dewi Team" жамоаси вакилалари — Фаина Потапова ҳамда Акпейил Оссамга насиб этди. Шунингдек, Кускова илк босқичда сариқ майкага ҳам эга чиққанини таъкидлаш лозим.

Биринчи босқич натижалари:

1. Янина Кускова (Ўзбекистон) — 26.42(09)

2. Фаина Потапова ("Astana Dewi Team") — 27.44(86)

3. Акпейил Оссим ("Astana Dewi Team") — 27.57(70).