Янник Синнер Рожер Федерернинг рекордини такрорлади

Янник Синнер Дэвис Кубогининг финалида нидерландиялик Таллон Грикспурни 7/6(2), 6/2 ҳисобида мағлубиятга учратди. Бу билан Синнер афсонавий швейцариялик теннисчи Рожер Федерернинг рекордини такрорлади. Янник жорий мавсумда ўзи иштирокидаги учрашувларда камида битта сетни ютган. Федерер бундай натижага 2005 йилги теннис мавсумида эришган эди. 

Сайёрамизнинг биринчи ракеткаси ҳисобланган Янник Синнер 2024 йилда ўтказган 84 та учрашувидан 78 тасида (93%) ғалаба қозонган. Бу йил у 9 та турнирда бош совринни қўлга киритди. "Катта Дубулға" туркумига кирувчи Australian Open ва US Open турнирларида чемпион бўлди. Бу мусобақаларда 17 миллион АҚШ доллари миқдорида мукофот пули ютиб олди.