Япония Олимпиада пайтида коронавирусга қарши чораларни кучайтириши мумкин

"Mainichi Shimbun" нашрининг ёзишича, ҳукумат вирус билан зарарланганлар сони ошиб бораётганидан ҳавотирда. 12 июлгача Токио шаҳрида кучайтирилган карантин чоралари белгиланганди. Аммо, ҳукумат ҳозирги вазият сабаб ушбу чоралар муддатини узайтирмоқчи.

Ҳозирги шароитда мусобақаларга киритиладиган томошабинларнинг максимал сони 5 минг киши ҳисобланади. Аввалроқ, мусобақа ташкилотчилари ареналарга 10 минггача (тўлиқ сиғимнинг 50% дан ошмаган ҳолда) мухлис киритилишини режа қилишаётганди.

"Хавфсизлик чораларини кучайтириш билан боғлиқ барча қарорлар амалдаги сиёсатимиздан келиб чиққан ҳолда қабул қилинади", -дейди Япония ҳукумати бош котиби Кацунобу Като.

Эслатиб ўтамиз, Токио Олимпиадаси 23 июлдан 8 августгача ўтказилади.