UZ

Сўнгги янгиликлар

19:26Анкалаев навбатдаги рақиби ҳақида гапирди, у Перейра ёки Прохазка эмас 0 19:05Формула-1. Австрия Гран-приси ғолиблиги Ландо Норрисга насиб этди 0 18:39Адесанья, Гастелум ва бошқалар UFC Шон-шуҳрат залига киритилди 0 18:18GiveMeSport дунёнинг энг яхши футболчилари рейтингини эълон қилди 0 17:53Дана Уайт Том Аспиналлнинг навбатдаги рақиби ким бўлишини айтди 0 17:25Lift Promotions Тошкентдаги проф бокс оқшоми кардини эълон қилди. Марказий жангда мағлубиятсиз ҳамюртимиз иштирок этади 0 17:03Курашчиларимиз Туркиядаги "Яшар Догу" мусобақасини 5 та медаль билан якунлашди 0 16:40Англия терма жамоаси собиқ сардори маст ҳолда машина ҳайдаганликда айбланиб ҳибсга олинди 0 16:19UFC 317 турнири иштирокчилари жанглар орқали қанча гонорар ишлаб олгани маълум 0 15:58Абдулрашид Садулаев: "Дана Уайт билан гаплашдим" 0 15:35Топурия – учинчи камар ҳақида: "UFC'га бу ҳақда гапирмасликни ваъда қилганман" 0 15:13Шомуродовнинг жамоадоши Абрахам "Рома"дан "Бешиктош"га ўтади 0 14:50Навоийда 200 000 000 сўм мукофот пулига эга “Uzbekistan Judo Tour” мусобақаси бўлиб ўтмоқда 0 14:24Шоҳжаҳон Эргашев Бачков билан жанг қилмайди 0 14:02Дана Уайт Гэтжининг чемпионлик жанги истагига муносабат билдирди 0

19 ноя 22:54
Янгиликлар

Футбол

Ярим асрлик тўйингиз муборак, Дилшод Жўраалиевич!

Бугун ўзбек футболида ўз ўрнига эга бўлган таниқли болалар футболи мутахассиси, тажрибали мураббий Дилшод Нуралиев роппа-роса 50 ёшга тўлди.

Бу инсон ҳақида узоқ гапириш мумкин. Акмал Шораҳмедов, Виталий Денисов, Санжар Турсунов, Фарҳод Тожиев, Марат Бикмаев каби футболчиларни ўз вақтида кашф этиб, тарбиялаб ўзбек футболига етказиб берганининг ўзиёқ Дилшод Нуралиевнинг қандай тоифадаги мураббий эканлигидан далолат бериб турибди.

Шунингдек, Дилшод Жўраалиевич Ўзбекистон U-16 терма жамоаси билан бирга Осиё чемпиони бўлган. Бунга қадар ҳеч бир терма жамоамизга Осиё чемпиони бўлиш бахти насиб этмаганди. Эроннинг Тахти шаҳри мезбонлик қилган қитъа чемпионати Нуралиев жамоасининг триумфи билан якунланган эди.  

Юқорида айтганимиздек, Дилшод Нуралиев ҳақида кўп ва хўп гапириш, у кишига теша тегмаган таърифларни бериш мумкин. Фурсатдан фойдаланиб,  барча ўзбекистонлик футбол мухлислари, сайтимиз ўқувчилари ҳамда ижодкорлари, шогирдлари номидан Дилшод Нуралиевга соғлик-саломатлик, оилавий бахт, омад тилаб қоламиз. Туғилган кунингиз муборак бўлсин, Дилшод Жўраалиевич!

Нодирхўжа Юлдашев, “Одил Жуниор” жамоаси бошқарувчиси 

“Дилшод Нуралиев деганда биринчи галда кўз олдимизга болалар мураббийи келади. Менимча, у кишига айнан шу мавзуда ортиқча таъриф шарт эмас. Шу сабабдан ҳам Одил Аҳмедов билан бирга “Одил Жуниор” жамоасини очганимизда, биринчилардан бўлиб Дилшод ака мураббий сифатида ишга таклиф қилдик. Уларга 2009 йилги таркибни ишониб топширдик. Нега айнан 2009 йилги жамоа? Сабаби, бу ёшдаги футболчилар яқин келажакда олимпия   терма жамоасини ташкил этиб беришади. Энг ишонган гуруҳимиз ҳамда олимпия ёшидаги жамоамиз бўлгани учун ҳам Нуралиевга ишонч билдирилди. Фидоийликни қарангки, ўз туғилган кунида ҳам болалар билан бирга. Бугун Дилшод ака билан бирга Намангандамиз. Бу ерга шунингдек, италиялик ҳамкор-мураббиймиз ҳам келган. Турнир баҳона болаларни кўрикдан ўтказяпмиз. Нуралиев италиялик тажрибали мутахассисдан ўрганганларини машғулотларда ёш футболчиларимизга сингдиришни бошлаб юборди. Шу фурсатдан фойдаланиб, “Одил Жуниор” жамоасининг мамлакатимиздаги барча мураббийлари номидан Дилшод Нуралиевни қутлуғ ёш билан муборакбод этаман. Умрингиз зиёда бўлсин, МАЭСТРО!”.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг