14 окт 13:24
Янгиликлар

Теннис

Ярим финалда Истоминни мағлуб этган Гарсия якунда чемпион бўлди

Ҳозиргина пойтахтимиздаги Республика олимпия захиралари теннис мактаби кортларида Тошкент Челленжер турнири якунланди.

Соврин жамғармаси 150 000 АҚШ долларини ташкил қилувчи мусобақанинг ҳал қилувчи финал учрашувида турнирнинг тўртинчи ракеткаси испаниялик Гильермо Гарсия-Лопес ғалабага эришди.

Бир соату 34 дақиқа давом этган финал баҳсида тажрибали Гарсия польшалик 21 ёшли Камил Майжакни 6:1, 7:6(7:1) ҳисобида зафар қучди. Гильермо ярим финалда турнирнинг биринчи ракеткаси ҳамюртимиз Денис Истоминни 7:6, 6:4 ҳисобида таслим этган эди.