Ярим миллиард долларлик Конор Макгрегор - Логан Пол жанги Мумбайда ўтказилади

Бокс қоидалари асосида ўтказиладиган асосида кўргазмали мақомда ўтказиладиган ушбу жангга Ҳиндистоннинг Мумбай шаҳри мезбонлик қилади. Бу ҳақда журналист Гленн Эмметт ўзининг ижтимоий тармоқдаги саҳифасида жангчиларга яқин манбаларга таянган ҳолда хабар берди.  

Хабарда айтилишича, ҳар икки спортчи жанг учун кафолатланган 250 миллион АҚШ долларидан гонорар олади. Ушбу катта жанг ташкилотчиси сифатида Ҳиндистоннинг бой оиласи - Амбанилар бўлиши айтилмоқда. Бу бокс кечаси Ҳиндистон туризм ва спорти ривожи учун хизмат қилади. 

Эътиборлиси, бу хабарни шахсан Конор Макгрегорнинг ўзи ҳам тасдиқлади. Ирландиялик Эмметтнинг ижтимоий тармоққа қўйган постига Ҳиндистон байроғи ва юракча қўйиш билан муносабат билдирган. 

Маълумот учун, 29 ёшли Логан Пол WWE, яъни рестлер бўйича АҚШ чемпиони ҳисобланади. У ўзининг сўнгги жангини шу йилнинг ёзида SummerSlam шоусида ўтказиб, ўз титулини Найтга ютқазиб қўйганди. Конор Макгрегор эса июнь ойида Майкл Чендлер билан жанг ўтказиши керак эди. Лекин охир-оқибат бу жанг бекор бўлганди.