Ярославлдаги муз саройининг янги ўрнатилаётган таблоси тушиб кетди +ФОТО

Мусобақа иштирокчиси «Локомотив»нинг аренасида озгина кўнгилсизлик рўй берди. Ярославлдаги аренага ўрнатилаётган янги квадрат табло тушиб кетган.

Россия Федерацияси Тергов қўмитасининг Ярославл вилояти бўйича тергов бошқармаси маълумотларига кўра, кубни кўтариш пайтида люкслардан бири цинган — бунинг натижасида куб билан бутун тузилма қулаб тушган ва ишчи гуруҳнинг бош устасига урилган.Яхшиямки, унинг ҳаёти ва соғлиғига ҳеч нарса таҳдид соладиган жароҳат етмаган.

Шунга ўхшаш воқеа 26 йил олдин НХЛда содир бўлган. 1996 йилда Буффалода арена ходимлари «Сэйбрс» ва «Брюинс» ўйини олдидан эрталабки чиқишдан сўнг турли жиҳозларнинг ишлашини синаб кўришга қарор қилишди ва таблони туширишни бошладилар. Натижада иккита кабель бунга бардош беролмади ҳамда констуксиянинг бир қисми муз устига қулади. Жароҳат олганлар йўқ: ўйинчилар, мураббийлар ва арена ходимларидан ҳеч бири пастда бўлмаган. Хоккей майдончасининг ўзи ва унинг остида жойлашган жиҳозлар ҳам бузилмаган.