Яхши хабар: Ўзбекистон 2029 йилда Ислом бирдамлик ўйинларини қабул қилиши мумкин!

Хабар беришларича, Ўзбекистон 2029 йилги Ислом бирдамлик ўйинларини ўзида қабул қилиш ниятида. Бу йўлда мамлакатимиздан ташқари Эрон ва Малайзия ҳам кураш олиб боради.

"ISSA номзод давлатларнинг тайёргарлигини баҳолаш учун текширув ташрифларини бошлайди. Ислом бирдамлиги спорт ассоциацияси (ISSA) 2029 йилги Ислом бирдамлик ўйинларига мезбонлик қилиш учун аризаларини расмий равишда топширган Ўзбекистон, Малайзия ва Эронга ташрифларни бошлайди.

Дастлабки баҳолаш жараёнидан сўнг, олти аъзо давлат Ислом бирдамлик ўйинларининг навбатдаги турнирини ўтказиш учун ISSA'га расмий манфаатдорлик хатларини тақдим этди. Кейинги муҳокамалар ва баҳолашлардан сўнг Ўзбекистон, Малайзия ва Эрон ўзларининг тўлиқ мезбонлик таклифларини топширишга киришдилар. Текширув ташрифлари ISSA Бош котиби томонидан Спорт комиссияси аъзолари ҳамроҳлигида номзод мамлакатларнинг объектлари, инфратузилмаси ва ташкилий режаларини якуний қабул қилиш қарори олдидан кўриб чиқилмоқда", дейилади ташкилот хабарида.