Йен Мачадо Гэрри: "Махачевнинг рақиблари меникичалик хавфли бўлмаган"

"Агар менинг охирги беш рақибимни Исламнинг охирги беш нафар рақиби билан солиштирадиган бўлсак, назаримда, бу ерда муҳокама қиладиган нарсанинг ўзи йўқ – кимнинг рақиблари кучлироқ бўлгани яққол кўриниб турибди. Кимлар билан жанг қилганимга қаранг: Белал Муҳаммад, Шавкат Раҳмонов, Карлос Пратес, Майкл Пейж. Бу тўртлик – сайёрамиздаги энг ноқулай жангчилардан бири. Уларнинг ҳар бири жуда жиддий хавф туғдиради.

Энди Жек Делла Маддалена, Ренато Мойкано, Дастин Порье ва Алекс Волкановскига қаранг. Волкановски ва Порьега спорт афсоналари сифатида ҳурмат сақлаган ҳолда айтаманки, улар мен санаб ўтган жангчиларчалик хавфли эмас. Қолаверса, менинг ҳар бир рақибим гавда жиҳатидан каттароқ ва бўйи ҳам баландроқ эди", – деди ирландиялик жангчи ESPN MMA нашрига берган интервьюсида.

Россиялик аралаш яккакураш устаси ўз чемпионлик камарини илк бор ҳимоя қиладиган ярим ўрта вазн тоифасидаги титул жанги 16 август тонгида Филадельфияда ўтказиладиган UFC 330 турнирининг асосий воқеаси бўлади.