"Йиртқич" UFC билан янги шартнома имзолашга яқин

Келаси йил бошида Нганну расман эркин агентга айланади. Бу ҳақда "Час ММА" дастурининг навбатдаги сонида таниқли спорт шарҳловчиси Ариэль Хелвани маълум қилди.

"Музокаралар яхши кетаётгани ва унинг якунланиш арафасида эканини эшитдим. Фрэнсис менежерларни ўзгартирди. Айтганимдек, режамиз уни келаси йилнинг март ойида Жон Жонс билан жангини ташкил этиш.

Фрэнсис янги шартнома имзолашига ишончим комил. Тайсон Фьюри билан энди жанг бўлмайди, бу аниқ. Агар Фьюри Чисорани мағлуб этмаса ва Нганнуга яна қўнғироқ қилмаса... Аммо менимча, Фьюри жанг қилишни истамайди. Шунинг учун Фрэнсис эркин агентга айланса, ўзи учун яхши бўлмайди", - деди мутахассис.

Аввалроқ, Фрэнсис Нганну нима учун Сирил Ган билан жангда имкониятларидан тўлиқ фойдалана олмаганини айтган эди.