09 дек 10:29
Янгиликлар
Бокс/ММА
Ёш боксчиларимиз Қозоғистондаги мусобақада совриндор бўлишди
3-7 декабрь кунлари Қозоғистоннинг Степногорск шаҳрида 2004-2005 йилларда таваллуд топган ёш боксчилар ўртасида Қозоғистонда хизмат кўрсатган мураббий В.Р.Камашов хотирасига бағишланган халқаро турнир ташкил этилди.
Мусобақада Қозоғистон, Россия, Қирғизистон ва Ўзбекистондан 250 нафарга яқин боксчи иштирок этди. Турнир якунига кўра, 8 нафар боксчимиз совриндорлар қаторидан ўрин олди. Уларнинг 4 нафари олтин эканлиги алоҳида эътирофга сазовор.
Мураббийлар Музаффар Усмонов ва Суҳроб Бобоназаров бошчилигидаги терма жамоамиз сафида Хожиакбар Маҳмудов (-42 кг), Миркомил Саидоҳунов (-48 кг), Аман Консбеков (-60 кг), Алишер Аюбов (-66 кг) олтин, Муҳаммадали Фозилов (-75 кг) ва Мирзажон Аҳмедов (-80 кг) кумуш, Абдулҳамид Абдулҳафизов ва Мурлибек Менлибоев (-70 кг) мусобақанинг бронза медалига сазовор бўлишди.
Ўзбекистон бокс федерацияси матбуот хизмати
Ҳавола :
Фикрлар