Ёш дзюдочиларимиз Жаҳон чемпионатини 3 та олтин медаль билан бошлашди. Медаллар жамғариш рейтингида биринчимиз!

Унда иштирок этаётган Ўзбекистон терма жамоаси мусобақанинг илк кунидаёқ 3 та олтин медални қўлга киритди. Бундай старт жамоамиз тарихида ҳали бўлмаганди.

Қайд этиш жоиз, Дилафрўз Болтабоева Барчиной Қодирова (2022 йил) ва Диёра Келдиёрова (2015 йил)дан кейин ушбу ёш тоифасидаги Жаҳон чемпионатида ғалаба қозонган ўзбекистонлик учинчи дзюдочи қизга айланди.

Тўртта финалдан 3 тасида ғалаба қозониб, олтин медалга эга чиққан Ўзбекистон терма жамоаси Болгария мезбонлик қилаётган кадетлар ўртасидаги жаҳон чемпионатининг биринчи кунидан сўнг медаллар жамғариш бўйича умумжамоа ҳисобида мутлақ устунлик билан пешқадамликни қўлга олди. 

Кучли учликдан россиялик дзюдочилардан таркиб топган IJF байроғи остидаги жамоа ҳамда Туркия терма жамоаси жой олган.

Илк кунги беллашувлардан кейинги медаллар жамғариш рейтинги:

Олтин медаллар:

-40 кг: Дилафруз Болтабоева

-50 кг: Хушнуд Султонов

-55 кг: Хушнудбек Бурхонов.