25 ноя 14:31
Янгиликлар

Стол тенниси

Ёш стол теннисчиларимиз жаҳон чемпионатида иштирок этишмоқда

Шу кунларда Швециянинг Хелсингборг шаҳри стол тенниси бўйича ёшлар ўртасидаги жаҳон чемпионатига мезбонлик қилмоқда.

Кеча 15 ёшгача бўлган спортчилар ўртасида аралаш жуфтлик йўналишида юртимиз шарафини ҳимоя қилган Хуршид Аҳмедов ва Асел Эркебаева Янги Зеландия ва гонконглик рақибларини мағлубиятга учратиб, чорак финалга йўл олишди.

Бугун улар ярим финал йўлланмаси учун мусобақанинг 2-сараланган жуфтлиги хитойлик рақибларига қарши баҳс олиб боришади. Шунингдек, мазкур ёш тоифасида спортчилармиз яккалик ва жуфтлик дастурларида ҳам иштирок этишлари белгиланган.

Эслатиб ўтамиз, мусобақа 29 ноябрь куни якунига етади.