06 июл 07:02
Янгиликлар

Спорт курашлари

Ёш юнон-рум курашчиларимиз Осиё чемпионатида умумжамоа ҳисобида учинчи бўлишди

Қирғиз Республикаси пойтахти Бишкек шаҳрида спорт курашлари бўйича ўсмирлар (U15) ўртасида Осиё чемпионати старт олди.

Қитъа биринчилигини юнон-рум курашчилар бошлаб беришди. Барча вазн тоифаларида кечган беллашувларда Ўзбекистон терма жамоаси аъзолари 1 та олтин, 2 та кумуш ва 4 та бронза медалларини қўлга киритишди.

Ушбу натижа билан “классик” курашчиларимиз умумжамоа ҳисобида учинчи ўринни қўлга киритишди. Бугун қизлар кураши бўйича баҳслар ўтказилади.

Олтин медаль:

-44 кг: Содиқжон Ҳамидов

Кумуш медаллар:

-41 кг: Афрузбек Ибрагимов

-52 кг: Самандар Мадаминов

Бронза медаллар:

-38 кг: Меҳмет Аннагелдиев

-57 кг: Муҳаммадазиз Ғофуров

-62 кг: Муҳаммадрасул Ҳакимов

-75 кг: Азамат Раҳматов