Ёшлар ўртасидаги ATP Якуний турнирида чемпион аниқланди

Йигирма бир ёшгача бўлган теннисчилар ўртасидаги мусобақанинг ҳал қилувчи финал учрашувида дунёнинг 49-ракеткаси бўлиб турган америкалик Брэндон Накашима ATP рейтингида 74-поғонадан жой олган чехиялик Иржи Лехечкани 4/3(5), 4/3(6), 4/2 ҳисобида таслим этди.

Теннисчилар кортга 83 дақиқа ҳаракат қилишган. АҚШ вакили ўзаро учрашувлардаги ҳисобни 2:0 кўринишига келтирди. Айнан шу турнирнинг гуруҳ баҳсида ҳам Накашима рақибини мағлуб этишни уддалаганди. 

Накашима 11, Лехечка 4 та эйс зарбани амалга оширган. Миландаги муваффақиятли иштирок ғолиб теннисчига 432,750, Лехечкага эса 251,750 АҚШ доллари тақдим этган.