Ёшлар Якуний ATP турнирида финалчилар маълум бўлди

Мусобақада финалчилар аниқланди. Дунёнинг 28-ракеткаси бўлиб турган Лёрнер Тьен қаторасига иккинчи йил ҳам турнир финалига чиқди. Америкалик иқтидор эгаси 1/2 финалда ватандоши, ATP рейтингида 167-поғонада бораётган Нишеш Басавареддини мағлубиятга учратди - 4/2, 4/1, 4/3(3). 

Ҳамюртларнинг ўзаро учрашувларидаги ҳисоб 4:0 кўринишига келди. Етмиш беш дақиқа давом этган баҳсда Тьен 6, Басаваредди 5 та эйс зарбасини амалга оширган. Брейклар бўйича устунлик ғолиб теннисчи томонида бўлди - 5 га 3. Тьен ўтган йилги финалда Жоао Фонсекага ютқазиб қўйганди. Бугун у бош соврин учун бельгиялик Александр Блоксга қарши кортга чиқади.