Юбэнкс Надаль юртида чемпион бўлди

Мусобақа бош соврини дунёнинг 77-ракеткаси бўлиб турган Кристофер Юбэнксга насиб этди. Америкалик теннисчи ҳал қилувчи финал учрашувида рейтингда ўзидан 34 поғона юқорида бораётган франциялик Адриан Маннаринони мағлубиятга учратишни уддалади - 6/1, 6/4. 

Теннисчиларнинг ўзаро иккинчи учрашувида ҳам Кристофер зафар қучди - 2:0. Олтмиш тўрт дақиқа давом этган баҳсда Юбэнкс 11, Маннарино 4 та эйс зарбасини амалга оширган. Иккала теннисчи ҳам қўшхатога йўл қўймади. Брейклар сони Юбэнкс фойдасига 3:0 кўринишида бўлди. 

Мальоркадаги муваффақиятли иштирок Кристофер Юбэнксга 250 рейтинг очкоси ҳамда 139,270 евро мукофот пули келтирди.