19 апр 07:01
Янгиликлар
Шахмат
Юксак ақл соҳиби бўлган ўқувчи-ёшлар Сирдарёда жамланмоқда
Бугун “Баркамол авлод” спорт ўйинларининг республика финал босқич навбатдаги мусобақаси Сирдарё вилоятининг Гулистон шаҳрида старт олади.
Шахмат ва шашка бўйича ўтказиладиган мусобақада юртимизнинг барча ҳудудларидан академик лицей ва профессионал таълим муассасалари ўқувчи-ёшлари иштирок этишади.
200 нафарга яқин умидли спортчиларни ўзида жам қилувчи ушбу мусобақа республика финал босқичи дастуридан ўрин олган ўн учинчи мусобақа ҳисобланади.
Бугундан спортчи ёшлар ўғил болалар ва қизлар тоифасида мусобақаларда ўз иштирокини бошлашади. Турнир якунида ғолиб ва совриндорлар ташкилотчилар томонидан қимматбаҳо совғалар билан тақдирланади.
Маълумот учун, “Баркамол авлод” спорт ўйинларининг республика финал босқичи доирасидаги энг сўнгги мусобақа – стол тенниси бўйича бўлиб ўтади.
Ҳавола :
Манба : minsport.uz
Фикрлар