16 окт 20:53
Янгиликлар

Спорт курашлари

Юнон-рим курашчиларимизнинг машғулоти давом этмоқда + ФОТО

Юнон-рим кураши бўйича Ўзбекистон катталар терма жамоаси Тошкент вилоятининг тоғли ҳудудида жойлашган Янгиободдаги спорт базасида ўқув-машғулот йиғинини ўтказмоқда.

Кунига уч маҳалдан ўтказилаётган машғулотларда Равшан Рўзиқулов бошчилигидаги 30 нафар "классик" курашчиларимиз иштирок этишаяпти. Ўзбекистон спорт курашлари ассоциацияси бош шифокори Елена Абаева спортчиларни доимий равишда назорат қилиб бораяпти. Йиғинда барча карантин қоидаларига риоя қилинмоқда.

Янгиободдаги йиғин 17-19 ноябрь кунлари Навоий шаҳрида ўтказиладиган катталар ўртасидаги Ўзбекистон чемпионати, шунингдек декабрда Сербия пойтахти Белград мезбонлик қиладиган жаҳон чемпионатига тайёргарлик босқич вазифасини ўтаб беради.