24 окт 17:31
Янгиликлар

Спорт курашлари

Юнон-рум курашчиларимиз жаҳон чемпионатини битта олтин медаль билан якунлашди

Юнон-рум кураши бўйича Ўзбекистон U 23 терма жамоаси Албанияда давом этаётган жаҳон чемпионатидаги иштирокини якунлади.

Медаль йўлидаги сўнгги умидимиз Дониёрхон Накибов (-77 кг) бронза медали учун баҳсда эронлик Али Оскоуга 4:6 ҳисобида имкониятни бой берди.

Шу тариқа, "класикларимиз" мазкур йўналишдаги иштирокларини Алишер Ғаниев (-60 кг)нинг олтин медали билан якунлашди. Энди 26 октябрь куни эркин курашчимиз Умиджон Жалолов (-65 кг) баҳсларга киришади.