19 июн 20:03
Янгиликлар

Спорт курашлари

Юнон-рум курашчиларимиз Спала шаҳрида машғулот ўтказишяпти

Шу кунларда юнон-рум кураши бўйича Ўзбекистон терма жамоаси Польшанинг Спала шаҳрида ташкил этилаётган халқаро ўқув машғулот йиғинида бўлиб турибди.

Пойтахт Варшавадан 117 км узоқликда жойлашган ушбу курорт шаҳарчада бир нечта спорт турлари бўйича Польша олимпия терма жамоалари учун бунёд этилган машғулот базаси бор. Айнан шу базада дунёнинг 10 та давлатидан келган юнон-рум кураши терма жамоалари учун халқаро ўқув-машғулот йиғини ташкил этилган. Улар орасида Равшан Рўзиқулов бошчилигидаги Ўзбекистон юнон-рум кураши терма жамоаси ҳам бор.

Спаладаги халқаро ўқув-машғулот йиғинида ўзбекистонлик курашчилар билан бирга Норвегия, Германия, Франция, Хорватия, Венгрия, Литва, Финляндия, Руминия ва Швеция терма жамоалари ҳам иштирок этяпти. Терма жамоамизнинг ушбу йиғини 24 июнга қадар давом этади.