13 окт 15:42
Янгиликлар

Спорт курашлари

Юнон-рум курашчиси Айтжан Халмаханов BYD автомобили ва пул мукофоти билан тақдирланди

Ўзбекистон Миллий Олимпия қўмитасида Хорватиянинг Загреб шаҳрида ўтган спорт курашлари бўйича катталар ўртасидаги ЖЧда ғолиб ва совриндор бўлган ҳамюртларимиз мукофотланди.

13-21 сентябрь кунлари бўлиб ўтган дунё биринчилигида вакилларимиз 1 та олтин, 1 та кумуш ва 3 та бронза медалларига эга чиқишганди.

МОҚда ташкил этилган тадбир давомида 24 йиллик танаффусдан кейин ЖЧ ғолиби бўлган илк ўзбекистонлик юнон-рум курашчиси Айтжан Халмаханов BYD автомобили ҳамда 15 минг АҚШ доллари билан тақдирланди.

Бронза медали соҳиблари Абдулло Алиев, Умиджон Жалолов ҳамда Ғуломжон Абдуллаев 3750 АҚШ доллари миқдорида мукофот пулига муносиб кўрилди.

ЖЧ вице-чемпиони Алишер Ғаниев эса никоҳ тўйи муносабати билан тақдирлаш маросимида иштирок эта олмагани айтилмоқда.