11 мар 11:58
Янгиликлар
Бокс/ММА
Юртимизда илк бор ўтказиладиган бокс оқшомига бағишланган матбуот анжуманига марҳамат!
Хабар берганимиздек, жорий йилнинг 3 апрель куни “Ҳумо арена” муз саройида Рио-2016 Олимпия ўйинлари бронза медали совриндори, профессионал боксда WBA ва IBF йўналишлари бўйича жаҳон чемпиони Муроджон Аҳмадалиевнинг навбатдаги жанги бўлиб ўтиши режалаштирилган.
Мамлакатимизда илк маротаба ташкил этилаётган мазкур нуфузли бокс кечасининг марказий жангида М.Аҳмадалиев япониялик Рёсукэ Ивасага қарши чемпионлик камарларини ҳимоя қилади.
Бокс кечаси давомида бўлиб ўтадиган бошқа рейтинг жангларида Исроил Мадримов, Шаҳрам Ғиёсов, Ҳасанбой Дўсматов, Иқболжон Холдоров, Миразизбек Мирзаҳалилов, Баҳодир Жалолов, Санжар Турсунов каби номдор боксчиларимиз ҳам рингга кўтарилишади.
Шу муносабат билан бугун, 11 март куни соат 15:00 да, МОҚ анжуманлар залида бўлажак бокс оқшомига бағишланган матбуот анжумани ташкил қилинади. Ўзбекистон Миллий олимпия қўмитаси барча ОАВ ходимлари, журналист ва блогерларни мазкур тадбирга таклиф этиб қолади!
Ҳавола :
Фикрлар