13 авг 20:18
Янгиликлар

Футбол

"Ювентус" Дибалани трансферга қўйди

"Ювентус"нинг аргентиналик форварди Пауло Дибала ёзда Турин клубидан кетиши мумкин.

Tuttosport нашрининг маълумотларига кўра, "кекса синьора" раҳбарияти 26 ёшли футболчини трансферга қўйди.

Турин клуби Дибаланинг сотувидан тушган маблағларга ўрта чизиқни кучайтирмоқчи. "Ювентус" ҳозирча 3 ўйинчининг вариантини кўриб чиқмоқда: Поль Погба ("Манчестер Юнайтед"), Иско ва Марко Асенсио (иккиси ҳам - "Реал").

Дибала жорий мавсум Италия чемпионати доирасидаги 33 та ўйинда майдонга тушиб, 11 та гол ва 10 та ассист қайд этди. Футболчининг клуб билан тузган шартномаси 2022 йилнинг ўрталарига қадар мўлжалланган.