Зарруҳ Адашев 2 йиллик танаффусдан сўнг "қафас"га қайтмоқда + ПОСТЕР

У 4 октябрь куни АҚШнинг Нью-Йорк шаҳрида ташкил этиладиган Glory Rules Kickboxing турнирининг марказий жангида ринга чиқади. Унинг рақиби тажрибали Омар Аҳмад бўлади. 

"Ҳаммага ассалому алайкум! Икки йиллик танаффусдан сўнг яна севимли ишимга қайтгаётганимни мамнуният билан эълон қилишдан бахтиёрман. Мен 4 октябрь куни "Мэдисон Сквер Гарден" аренада Glory Rules Kickboxing турнирининг марказий жангида рингга кўтариламан. Рақибим ўз ишининг профессионали, тажрибали Омар Аҳмад бўлади. Жанг кикбоксинг қоидалари асосида ўтказилади. Турнир Нью-Йорк шаҳрида ўтказилиши боис, мени таниган барчани қўллаб-қувватлаш учун таклиф қиламан. Чипталар масаласида менга мурожаат қилишингиз мумкин. Ин Ша Аллоҳ ғалаба қозониб, яна ММАга қайтишни ният қилганман", - деди Адашев. 

Маълумот учун, Зарруҳ Адашев 2020-2022 йиллар оралиғида UFC'да тўртта жанг ўтказган. Жангларининг биттасида ғалаба қозонган, учтасида эса мағлубият аламини тотиб кўрган. Шунингдек, Зарруҳ Bellator лигасида ҳам учта жанг ўтказиб, уларнинг барчасида зафар қучган.