Заурбек Сидаков фаолиятини якунлаши мумкинлиги, UFC'га ўтиш ва фуқаролигини ўзгартириш ҳақида гапирди

ХОҚ спортчини нейтрал статусдагилар рўйхатига киритмаган. Жамоа етакчиларидан ҳеч бири бу рўйхатга киритилмаган – на икки карра Олимпия ўйинлари ғолиби Абдулрашид Садуллаев, на Заур Угуев.

"Мен Олимпиадага бормоқчиман, лекин рухсат беришмади. Бу мен ҳақимда эмас. Мен ўзим таслим бўлмайман, қандай қилиб орзуимдан воз кечишим мумкин?" дея суҳбатни бошлайди Сидаков.

Курашдаги фаолиятини давом эттириш ҳақида гапирар экан, у аллақачон бу ишни ташлаш ҳақида ўйлаётганини айтди.

"Агар вазият ўзгармаса, мен энди бу спорт турида ҳеч қандай истиқболни кўрмаяпман".

Шу билан бирга, спортчи келажакдаги режалари ҳақида ҳам батафсил гапирмаган.

"Ўзимни UFC'да синаб кўриш ҳақида ўйлаяпман, аммо ҳозирча аниқ маълумотлар йўқ".

Париждаги Олимпиадада Сидаков 74 кг вазн тоифасида иштирок этиши керак эди. Худди шу вазнда бошқа мамлакатлар шарафини ҳимоя қилаётган бир қанча осетин полвонлари – Таймураз Салказанов, Хетаг Цаболов ва Чермен Валиев Олимпия ўйинларида қатнашади. Сидаков ватандошлари учун мухлислик қилишини ва улар орасидан бирор ким олтин олишига умид қилишини таъкидлади. Сидаковнинг ўзи эса ҳозирча спорт фуқаролигини ўзгартиришни режалаштирмаяпти.