Зўр хабар! Маҳмуд Мурадов Конор билан бир оқшомда жанг қилади + ФОТО

Эътиборга молик жиҳати шундаки, Маҳмуд Мурадов икки вазнда собиқ UFC чемпиони Конор Макгрегор билан бир оқшомда октагонга кўтарилади. Ирландиялик жангчи америкалик собиқ вақтинчалик чемпион Дастин Порьега қарши октагона чиқади. Бу Дастин учун реванш жанги мақомида бўлади. 

Демак, Маҳмуд Мурадов 23 январь куни Абу-Дабидаги "Жанглар ороли"да UFC промоушенидаги учинчи жангини ўтказади. Унинг рақиби америкалик Эндрю Санчес бўлади. Аслида 32 ёшли Санчес 23 январь куни бразилиялик Андре Мунизга қарши жанг ўтказиши керак эди. Катта эҳтимол билан Муниз жароҳат олган ёки унда коронавирус аниқланган. Санчес 12 та ғалаба ва 4 мағлубият қайд этган.  

Эслатиб ўтамиз, Мурадов 31 октябрь куни UFC Vegas 12 турнирида америкалик Кевин Холландга қарши жанг ўтказиши лозим эди. Аммо, Мурадовда коронавирус инфекцияси аниқлангани боис ушбу жанг бекор қилинганди.