17 май 10:13
Янгиликлар

Бокс/ММА

Зўр янгилик! Порье - Гэтжи жанги UFC 291 турнири учун тасдиқланди + ПОСТЕР

Америкалик енгил вазн тоифаси UFC жангчилари Дастин Порье ва Жастин Гэтжи UFC 291 турнирида ўзаро тўқнаш келадиган бўлишди.

Бу хабар расман промоушеннинг Твиттер саҳифасида эълон қилинди. Улар махсус BMF камари учун октагонга кўтарилишади. Ушбу камар Хорхе Масвидалдан сўнг вакант бўлиб қолганди. UFC 291 турнири 29 июль куни Солт-Лейк-Сити шаҳридаги "Вивинт-Арена"да бўлиб ўтади.

Бу Порье ва Гэтжининг ўзаро иккинчи жанги бўлади. Глендейлдаги UFC on Fox 29 турнири доирасидаги илк жангда Дастин тўртинчи раундда рақибини техник нокаутга учратган эди.

Маълумот учун, Порье сўнгги жангини 2022 йилнинг ноябрь ойида Нью-Йоркдаги UFC 281 турнирида Майкл Чендлерга қарши ўтказиб, учинчи раундда рақибини мағлубиятга учратганди. Гэтжи эса шу йилнинг мартида Лондондаги UFC 286 турнирида озарбайжонлик Рафаэль Физиевдан устун келган эди.