05 май 11:00
Янгиликлар

Бокс/ММА

Зубайра Тухугов фаолиятини қайта тиклади

Россиялик UFC собиқ жангчиси Зубайра Тухугов янги Лига билан шартнома имзолади.

Энди 35 ёшли атлет ACBJJ Лигасида жанг қилади. У билан шартнома имзолангани ташкилот матбуот хизмати томонидан расман эълон қилинди.

Зубайра Тухугов 2014 йилдан 2023 йилгача ярим енгил вазн тоифасида UFC турнирларида иштирок этди. У мазкур Лигада жами тўққизта жанг ўтказиб, бешта ғалаба, учта мағлубият ва битта дуранг қайд этган. Сўнгги жанги бразилиялик Элвис Бренерга қарши кечганди. Ўшанда Зубайра рақибига мағлуб бўлган ва кейин ташкилотни тарк этганди.

Тухугов ACBJJ Лигасида қачон дебют қилиши, унинг рақиби ким бўлиши ҳақида ҳозирча маълумот йўқ.