Aljameyn Sterling: "U chempionlik uchun kurashga loyiq emas. Yaxshiroq davogarlar bor"

"Sentyabrdan oldin oktagonga qaytmasam kerak. O'ylaymanki, yil oxirigacha qaytaman. Keling, jismoniy holatim qanday bo'lishini ko'ramiz.

Umuman olganda, bu yil uchta jang o'tkazishni istagandim. Lekin, bu menga bog'liq emas. Oktagonga qaytishdan oldin butunlay tuzalib ketganimga ishonch hosil qilishim kerak.

Menimcha, Ti Jey Dillashou chempionlik uchun kurashga loyiq emas. Bunga Joze Aldo yoki Dominik Kruzlar munosibroq.

Menimcha, Dillashou bilan jang qiziqarli bo'ladi. CHunki, u katta nomga ega va muxlislar uni bilishadi. Uni mag'lub etsam men uchun yaxshi bo'ladi", — dedi Sterling.

Eslatib o'tamiz, UFC 273 turnirida Sterling Petr Yanni hakamlar qarori bilan mag'lub etgandi.