Mutua Madrid Open. Rublyov uchinchi davra ishtirokchisiga aylandi

Dunyoning oltinchi raketkasi Andrey Rublyov Mutua Madrid Open turnirining uchinchi davrasiga yo'l oldi. Rossiyalik tennischi 83 daqiqa davom etgan ikkinchi davra bahsida ATP reytingida 84-pog'onada borayotgan shveycariyalik Sten Vavrinkani 7/5, 6/4 hisobida mag'lubiyatga uchratdi. 

Tennischilarning o'zaro uchrashuvlaridagi hisob muvozanati tiklandi - 2:2. Rublyov 9, Vavrinka 7 ta eys zarbani amalga oshirdi. Ikkala tennischi ham qo'shxatoga yo'l qo'ymagan. Endi Andrey uchinchi bosqichda Yosixito Nisiokaga qarshi kortga chiqadi. Yaponiyalik tennischi o'z o'rnida slovakiyalik Aleks Molchandan ustun keldi - 5/7, 6/4, 6/4.