23 iyu 12:34
Yangiliklar
![](/upload/storage/40843_220.jpg)
Abduraimovning jangi uchinchi marta ham o'tkazilmadi, aftidan promouter yaxshi emas!
Unga ko'ra, Abduraimov AQSHning Nyu-York shtati Kuinz shaharchasida ugandalik Sulaymon Segavaga qarshi ringga ko'tarilishi lozim edi. Lekin ushbu jang belgilangan muddatda o'tkazilmadi. O'sha boks oqshomi doirasida belgilangan qolgan jang o'tkazilgan, lekin Abduraimov ringga chiqmagan.
Abduraimovning debyut jangi avvaliga 20 aprel, keyin 18 may kuniga ko'chirilgandi. 18 may kungi jangga ikki kun qolganda topilgan raqib amerikalik Omar Etridj tibbiy ko'rikdan o'ta olmagani uchun o'shanda jang bekor bo'lgandi.
Afsuski, uchinchi urinish ham zoe ketdi. 2013 yilda prof boksdagi faoliyatini boshlagan Segava shu kungacha 11ta jang o'tkazgan bo'lib, ularning 10tasida g'alabaga erishgan. Uchta jangda raqiblarini nokautga uchratgandi. Yagona mag'lubiyatini shu yilning 28 aprel kuni Uilyam Fosterdan qabul qilib olgan edi.
Aftidan, Elnur Abduraimovning promouterlari yaxshi emas. Aks holda jang uchinchi marotaba ham bekor qilinmas edi. Bizga xabar berishlaricha, Elnur bilan mashhur murabbiy Pedro Dias ishlayapti. Lekin jang bo'lmaganidan keyin har qanday tayyorgarlikning ham foydasi yo'q.
Fikrlar