Afsonaviy xokkeychi Vyacheslav Fetisov O'zbekistonga keladi

Musobaqada Tungi xokkey ligasining doimiy ishtirokchisi, Rossiyaning «Premer» jamoasi hamda mamlakatimizda faoliyat olib borayotgan «Toshkent» va «Humo» klublari faxriy xokkeychilari qatnashadi.

Turnir O'zbekiston Respublikasi Mudofaa vazirligi, Turizmni rivojlantirish davlat qo'mitasi, O'zbekiston xokkey federaciyasi va «Toshkent» xokkey klubi hamkorligida tashkil etilmoqda. Qiziqarli ommabop tomoshalar bilan boyitilgan tantanali ochilish marosimi 23 avgust kuni soat 15:00 da muhtasham “Humo Arena” muz saroyiga tutash hududda o'tkaziladi. SHu kuni «Premer» va «Toshkent» jamoalari azolari dastlabki uchrashuvda kuch sinashadi. 24 avgust kuni soat 12.00 da rossiyaliklar «Humo» jamoasiga qarshi muz ustiga tushadi.

O'zbekiston xokkey federaciyasi matbuot xizmati taqdim etilgan malumotga ko'ra, "Premer" klubiga 2005 yilda afsonaviy xokkeychi Vyacheslav Fetisov tashabbusi bilan asos solingan. Bugungi kunda mazkur xalq jamoasi tarkibi xokkeyga mehr qo'ygan, bir-birini nafaqat muz ustida, balki maydon tashqarisida ham doimo qo'llab-quvvatlaydigan insonlardan iborat. Avvaliga "Premer" xokkey klubi o'z oldiga sport musobaqalarida ishtirok etishni maqsad qilib qo'ymagan edi. 

SHunga qaramasdan, 2010 yilga kelib jamoa havaskor xokkey klublari o'rtasida o'tkaziladigan turnirlarning doimiy ishtirokchisiga aylandi. 2015/2016 yilgi mavsumda "Premer" jamoasi Tungi xokkey ligasi festivali beshinchi saralash bosqichi muntazam chempionati yakunida eng yuqori natija ko'rsatdi. Pley-off natijalariga ko'ra ham "Orzular ligasi" (Ikkinchi divizion)ning 18+ divizionida 1-o'rinni egalladi.