Baxtiyor Ashurmatov lavozimidan ozod etildi

"Kuni kecha klubimiz rahbariyati va murabbiylar shtabi vakillari ishtirokida navbatdan tashqari yig'ilish bo'lib o'tdi. Mazkur yig'ilishda jamoa bosh murabbiyi lavozimida ishlab kelayotgan Baxtiyor Azamovich Ashurmatov o'zaro kelishuvga ko'ra istefoga chiqarildi va u klub bilan do'stona ruhda xayrlashdi.

“Turon” futbol klubi istedodli mutaxassis Baxtiyor Ashurmatovga jamoamizdagi faoliyati uchun minnatdorchilik bildirgan xolda unga kelgusida muvaffaqiyatlar yor bo'lishini tilab qoladi" - deyiladi rasmiy bayonotda.

Eslatib o'tamiz, 2023 yilgi mavsumda Baxtiyor Ashurmatov qo'l ostidagi "Turon" Superliganing 5ta uchrashuvida 2ta durang qayd etib, 3ta mag'lubiyatga uchradi.