27 apr 15:03
Yangiliklar

Futbol

"Biz "Siti" bilan o'yingacha qilgan ishlarimizni davom ettirishimiz kerak" - Arteta

Xabaringiz bor, kecha APLning chempionlik o'yinida “kanonirlar” asosiy taqibchilari "Manchester Siti"dan yirik hisobda mag'lub bo'lishdi.

"Arsenal" bosh murabbiyi Mikel Arteta Angliya Premer-ligasi 33-turidan o'rin olgan "Manchester Siti"ga qarshi o'yin (1:4) haqida fikr bildirdi.

"Biz ushbu o'yingacha qilgan ishlarimizni davom ettirishimiz kerak. Jamoa g'alaba qozonishni boshlashi kerak. Biz bu uchrashuvda barcha eng yaxshi fazilatlarimizni ko'rsatishimiz kerakligini bilardik. Ammo bugun "Arsenal" bundan yiroq edi.
Futbolchilar qo'rqishdi deb o'ylamayman, lekin o'yinni bunday boshlaganimiz bizga muammo keltirdi. Bunday paytda biz nimalarga qodirligimizni ko'rsata olmaymiz", – dedi ispaniyalik mutaxassis.

"Arsenal" ayni damda APLda "Manchester Siti"dan ikki ochko oldinda bormoqda. "SHaharliklar" zaxirasida 2 ta o'yin bor.