Bu dahshat! SHohjahon Ergashev faoliyatida ilk bor shuncha vazn tashladi + FOTO

Biz uchun ahamiyatlisi, uning doirasida hamyurtimiz SHohjahon Ergashev (23-0-0) IBF yo'nalishi chempioni, puerto-rikolik Sabriel Matias (19-1-0) bilan kamar uchun jang qiladi. CHarm qo'lqop ustamiz Las-Vegasga etib borgan va bugun Top Rank promouterlik kompaniyasiga qarashli zalda matbuot uchun ochiq mashg'ulot o'tkazdi. 

Etiborga molik jihati shundaki, SHohjahon mana shu chempionlik jangi uchun 17 kilogramm vazn tashlashiga to'g'ri keldi. Bu haqda bokschimizning o'zi saytimiz muxbiri bilan suhbatda xabar berdi. 

"In SHa Alloh, uzoq kutgan jangimga oz fursat qoldi. Hozir ikki kilogramm ortiqcha vaznga egaman. Faoliyatimda ilk bor 17 kilogramm vazn tashlashga to'g'ri keldi. Bunaqasi hali bo'lmagandi. Ozg'in, kichkina bo'lib qolganimni qarang (kuladi). Murabbiylarim SHugar Hill, Bibi va CHemberslar bilan chempionlik jangiga tayyorgarlik ko'ryapmiz. SHugar Tayson Fyurining murabbiyi hisoblanadi. O'ylaymanki, hammasi yaxshi bo'ladi", - dedi Ergashev. 

Malumot uchun, 31 yoshli Ergashev so'nggi bor 2022 yilning avgustida Anxel Martines Ernandesga qarshi ringga chiqqan edi. Ushbu jangda SHohjaxon texnik nokaut evaziga g'alaba qozongandi. Bokschimiz hisobida 23 g'alaba (20 tasi nokaut) bor.

31 yoshli Matias esa shu yilning fevral oyida Xeremias Ponsega qarshi jang qilgan. Ushbu qarama-qarshilikda Sabriel muddatidan avval g'alaba qozonib, IBF chempionlik kamarini qo'lga kiritgandi. Uning hisobida 19 g'alaba (barchasi nokaut bilan) va bitta mag'lubiyat bor.