14 fev 09:26
Yangiliklar

Qishki sport turlari, Xokkey

Bugun "Humo" chempionatdagi so'nggi o'yinini o'tkazadi

Bugun Toshkentning "Humo" klubi Oliy xokkey ligasi (VXL) chempionatidagi so'nggi uchrashuvida muzga chiqadi.

Evgeniy Popixin shogirdlari safarda "Ryazan" klubi mehmoni bo'lishadi. Uchrashuv Toshkent vaqti bilan soat 21:00da boshlanadi. Bu "Humo" uchun chempionatdagi so'nggi o'yin bo'ladi.

Xabaringiz bor, xokkeychilarimiz muddatidan avval pley-off bosqichida ishtirok etish huquqini qo'lga kiritishgandi. Bugungi o'yin oldidan "Humo" 61 ochko bilan 7-o'rinni egallab turibdi. "Ryazan" esa roppa-rosa 40 ochko bilan 17-pog'onadan joy olgan.

Etiborga molik jihati shundaki, "Humo" Oliy xokkey ligasidagi ilk tarixiy o'yinini aynan "Ryazan" klubiga qarshi o'tkazgan va yirik 5:0 hisobida g'alaba qozongan edi.