Bugun "To'dakul"da katta boks oqshomi o'tkaziladi. Kecha bokschilar taroziga chiqishdi + FOTOGALEREYA

O'zbekiston professional boks federaciyasi, Navoiy viloyati hamda Qiziltepa tumani hokimliklari ko'magida Uzbekistan Boxing Promotion promouterlik kompaniyasi tomonidan tashkil etilayotgan ushbu prof boks oqshomi doirasidan jami 8 ta jang o'rin olgan. 

Navoiy viloyati hokimi sovrini uchun o'tkazilayotgan boks kechasining markaziy jangi superyarim o'rta vazn (69,8 kg) toifasida o'tkaziladi. Sakkiz raundga mo'ljallangan jangda samarqandlik Jamshid Karimov (9-0-6)  poytaxtlik Bahrom Fayozov (22-20-0)ga qarshi ringga ko'tariladi. 

Kecha bokschilar ananaga ko'ra tarozidan o'tish hamda ko'z urishtirish (face to face) marosimlarida ishtirok etishdi. Bokschilarning bari belgilangan vazn meyorini bajarishdi. SHuningdek, jurnalistlar va blogerlar uchun matbuot anjumani ham o'tkazildi.