24 sen 11:52
Yangiliklar

Boks/MMA

Bugungi boks oqshomining manzili o'zgardi + FOTO

Bugun Navoiy viloyatining Qiziltepa tumani To'dako'l sohilidagi "Meridian" dam olish maskanida o'tkazilishi belgilangan professional boks kechasi manzili o'zgardi.

Ob-havo sharoiti hamda ko'plab boks muxlislarining fikr va takliflarini inobatga olgan holda bugungi professional boks kechasi "Meridian"dan Qiziltepa tumani markazidagi "Markaziy" stadionga ko'chirildi.

Biroz avval ushbu boks oqshomiga olib borilayotgan so'nggi tayyorgarlikni ko'zdan kechirish maqsadida Qiziltepa tumani hokimi Ulug'bek Fayziev o'yingohda bo'ldi. Tegishli masullar bilan uchrashuvda boks kechasini yuqori saviyada tashkil etish bo'yicha topshiriqlar berildi.

Navoiy viloyati hamda Qiziltepa tumani hokimi sovrini uchun tashkil etilayotgan professional boks oqshomi soat 18.00da "Markaziy" stadionida boshlanadi.