CHechenistonlik vazir Makgregorni “meksikalik tovuq” deb atadi

“Biz unga UFC ustasi sifatida hurmat bilan qarab kelayotgandik. Lekin so'nggi paytlarda u chegaradan o'tib ketdi. Konor o'zini masxaraboz va shoumendek ko'rsatyapti. Uning matbuot anjumanida Ramzan Qodirov hamda Xabib Nurmagomedovning otasi manziliga aytgan gaplaridan keyin bir fikrga keldim: u ruhiy nosog'lom! 

Konor Makgregor shunchaki “mayda odam”ki, uni xatto Ramzan Qodirov ism-sharifi bilan yonma-yon yozish ham noto'g'ri bo'ladi. Xuseyn Xalievning vaziyat yuzasidan bildirgan fikrlarini esa to'liq qo'llab-quvvatlayman. Makgregor bu so'zlariga javob berishi shart. U o'zini meksikalik xo'rozdek xis qilib yubordi, aslida u ko'proq tovuqqa o'xshaydi”, - dedi Umarov.