Fazliddin G'oibnazarov: Kuchli raqibni mag'lub etish bokschiga rux bag'ishlaydi

Hamyurtimiz ushbu bahsda amerikalik engilmas raqibi Kevin Jonsonni ochkolar hisobiga ko'ra (78:74) mag'lub etdi. Milliy olimpiya qo'mitasi Matbuot va Media departamenti bokschimiz bilan bog'lanib, uning jangdan keyingi fikrlari bilan qiziqdi.

«Birinchi navbatda menga muxlislik qilgan va qo'llab-quvvatlab turgan barchaga rahmat aytaman. Sizlarning qo'llashingiz men uchun juda muhim, ayniqsa mana shunday kuchli raqibga qarshi rigga chiqqanimda. Jang qiyin bo'ldi. Ammo, menga juda yoqdi. Raqib tajribali, baland bo'yli va yaxshi tayyorgarlikka ega edi. 

Bunday bokschiga qarshi ringga chiqish va uni mag'lub etish kishini yanada ruxlantiradi, qolaversa, ulkan tajriba taqdim etadi. Murabbiylarim bilan jangga reja ishlab chiqqandik. Ko'rsatmalarni to'liq bajara oldim va g'alaba qozondim», – dedi bokschi.