Getji Maxachev bilan jang uchun UFC chempionlik kamaridan voz kechmoqchi

Bu haqda ham amerikalik, ham rossiyalik jangchining ishlarini yurituvchi menejer Ali Abdel-Aziz malum qildi.

"Agar Jastin Getji faqat bitta jangni tanlashi kerak bo'lsa, men u eng katta raqibni va nomi yonida eng katta chek turgan jangni tanlashini istayman. Bu shart emas, uning o'z chempionlik kamari uchun jang bo'lishi kerak. Bu yarim o'rta vazn chempionligi yoki BMF kamari uchun jang bo'lishi mumkin. Asosiysi – kim unga eng ko'p nollari bor chekni taklif qiladi.

Menimcha, engil vazn toifasidagi top-jangchilardan hech biri Jastin Getji merosiga yangi narsa qo'sha olmaydi. CHarlz Oliveyra? U necha marta taslim bo'lgan. Arman Carukyan, ehtimol, diviziondagi eng qiyin raqib va katta ehtimol bilan kelajakda chempion bo'ladi. Maks Xollouey Jastinni mag'lub etdi – mayli. Lekin men hozir xudbinlik bilan fikr yurityapman: agar Iliya g'alaba qozonganida, u keyingi jangini Islamga qarshi o'tkazgan bo'lardi. O'ylaymanki, agar Jastin Getji Islam bilan jang qilishni xohlasa, u bu jangni olishi mumkin. Nega endi yo'q? SHunda u engil vazndagi chempionlik kamarini bo'shatadi. Agar bu jang unga eng katta gonorar keltirsa, demak, aynan shu jangni olishi kerak", – dedi Abdel-Aziz "Pound 4 Pound" podkastining navbatdagi sonida.

Iyun oyida Iliya Topuriyadan engil vazn chempionlik kamarini tortib olgan Jastin Getji joriy yilda oktagonga chiqmoqchi emasligini malum qilgan edi. Islam Maxachev esa bir haftadan so'ng Filadelfiyada bo'lib o'tadigan UFC 330 turnirida yarim o'rta vazn toifasidagi chempionlik kamarini irlandiyalik Yen Machado Gerriga qarshi himoya qiladi.