Las-Vegas boks oqshomining barcha janglari tarozi natijalari bitta xabarda

Bokschilar ananaga ko'ra jang oldidan tarozidan o'tish va face to face marosimlarida hozir bo'lishdi. Oqshomning asosiy jangida ikkinchi o'rta vaznda vaqtinchalik WBC chempioni Devid Benavides ikki vazn toifasida sobiq jahon chempioni Demetrius Andreydga qarshi ringga ko'tariladi. Benavides 75,75 kg, Andreyd esa 75,98 kg vazn qayd etdi. 

O'rta vaznda WBC chempioni Jermall CHarlo kichik Xose Benavidesga qarshi ringga chiqadi. Ammo bu jang chempionlik maqomida bo'lmaydi. Balki shundan bo'lsa kerak, CHarlo jangga engilroq qaradi va buning natijasida belgilangan vazn meyorini bajara olmadi. Jermall deyarli 2 kg ortiqcha vaznga ega ekani malum bo'ldi. U 75,52 kg, Benavides esa 73,37 kg tosh bosdi. Bu vazn limiti 73,94 kg edi. SHunga qaramay, jang o'tkaziladi. CHarlo vazn qila olmaganini tayyorgarlik uchun bor yo'g'i uch hafta bo'lgani bilan izohladi. 

Biz uchun ahamiyatlisi, Las-Vegasdagi boks oqshomida hamyurtimiz SHohjahon Ergashev birinchi yarim o'rta vaznda IBF chempioni Sabriel Matiasga qarshi jang o'tkazadi. Kamar uchun majburiy davogar SHohjahon ham, uning puerto-rikolik raqibi ham bir xil vazn ko'rsatishdi - 63,39 kg.

Birinchi engil vaznda WBA chempioni Ektor Garsiya o'z kamarini majburiy davogar Lamont Rouchdan himoya qiladi. Ikkala bokschi ham bir xilda vaznga ega ekanini oydinlashdi - 58,74 kg.

Birinchi yarim o'rta vaznda sobiq jahon chempioni Sergey Lipinec 63,23 kg, uning raqibi Maykl Rivera 62,96 kg vazn ko'rsatdi.

SHuningdek, ertangi boks kechasida birinchi engil vazn toifasida WBC yo'nalishi chempionlik kamari uchun davogarlar jangi bo'lib o'tadi. Unda tojikistonlik Muhammad Yoqubov va Pablo Visente o'zaro ringda to'qnash kelishadi. Bokschilarning ikkalasi ham 58,88 kg tosh bosishdi.