Menni Pakyao 11-chempionlik kamari uchun Malayziyaga etib keldi

Filippinlik boks afsonasi 15 iyul kuni yarim o'rta vazn toifasida WBA (Regular) chempionlik kamari sohibi argentinalik Lukas Matissega qarshi ringga ko'tariladi. 

“O'zim yaxshi xis qilyapman. Mashg'ulotlar alo darajada tashkil etildi. Buning uchun o'z jamoamga rahmat aytaman. Faoliyatimdagi o'n birinchi chempionlik kamarini qo'lga kiritish uchun bor imkoniyatimni ishga solaman”, - deya Pakyaoning so'zlaridan iqtibos keltirmoqda ESPN telekanali.

Agar Pakyao 15 iyul kuniga belgilangan jangida g'alaba qozonsa, keyingi jangini katta ehtimol bilan britaniyalik Amir Xanga qarshi o'tkazadi.