Nihoyat, SHohasan Mirzamatov Octagon chempionligi uchun oktagonga chiqadi + POSTER

Hamyurtimiz vazn chempioni, qozog'istonlik Georgiy Kichiginga qarshi oktagonga chiqadi. Ushbu jang 2024 yilning yanvar oyida Octagon 54 turniri doirasida tashkil etiladi. Liga rahbariyati tomonidan ushbu jang rasman tasdiqlandi. Avvalroq, SHohasan chempionga "vyzov" tashlagandi.   

"Men allaqachon chempionlik jangiga tayyorman. Kichigin ko'p gapirdi, lekin g'alabamdan keyin jim bo'lib qoldi. Biz jangda qaysi birimiz qo'rqoq ekanligimizni bilib olishimiz kerak. Men seni nima qilishimni bilasan va shuning uchun ham shoshilma. CHempionlik kamarimni O'zbekistonga olib borishni intiqlik bilan kutyapman. Faqat qochma!", - degandi Mirzamatov Kichinga murojaatida.

Eslatib o'tamiz, SHohasan Mirzamatov 21 oktyabr kuni Olma-Ota (Qozog'iston) shahrida o'tkazilgan Octagon 51 turniri doirasida braziliyalik Nilson Gomesni muddatidan oldin mag'lub etgan edi.