07 dek 07:41
Yangiliklar
Boks/MMA
Nursulton Ro'ziboev Dana Uayt va Ali Abdel-Azizga murojaat qilib, Ramazondan oldin jang berishlarini so'radi
O'rta vazn toifasida o'zbekistonlik UFC jangchisi Nursulton Ro'ziboev ijtimoiy tarmoqlardagi sahifasiga yangi post joyladi.
Hamyurtimiz ushbu posti orqali promouteri Ali Abdel-Aziz hamda UFC prezidenti Dana Uaytga murojaat qilib, jangga tayyor ekanini bildirdi.
"Jang qachon? Men fevral, mart oylarida jang qilishga tayyorman. Menga Ramazondan oldin jang beringlar", - deb yozgan hamyurtimiz.
Avvalroq, Ro'ziboev UFC'dagi keyingi jangini Jerald Myorshart yoki Sedrik Dumasga qarshi o'tkazishi mumkinligi haqida xabar bergan edik.
Eslatib o'tamiz, Nursulton Ro'ziboev UFC'da hozircha bitta jang o'tkazgan. Braziliyalik Bruno Ferreyraga qarshi kechgan jangda hamyurtimiz ilk raunddayoq raqibini nokautga uchratgan edi.
Havola :
Manba : twitter.com/nursulton_ruziboev
Fikrlar