O'zbekiston Prezidenti FIFA rahbari bilan uchrashdi

Nufuzli global sport tashkiloti rahbari mamlakatimizda futbolni rivojlantirish, unga yoshlar va qizlarni keng jalb qilish, istedodlarni tarbiyalash, ommabop va zamonaviy infratuzilmani yaratish, malakali murabbiylar va soha mutaxassislarini tayyorlash bo'yicha olib borilayotgan islohotlarni yuksak baholadi va to'liq qo'llab-quvvatladi.

Janni Infantino O'zbekiston etakchisini yoshlar terma jamoamiz yaqinda Osiyo Kubogida g'alaba qozongani bilan samimiy tabrikladi. Bu sohada amalga oshirilayotgan amaliy ishlar samaradorligining navbatdagi tasdig'i ekanini takidladi.

Uchrashuvda O'zbekiston futbol associaciyasi va FIFA o'rtasidagi yaqin va sermahsul hamkorlik yuksak darajada ekani, uning doirasida bugungi kunda mamlakatimizda zamonaviy futbol klasterini tashkil etish choralari ko'rilayotgani alohida mamnuniyat bilan qayd etildi.

O'zbekistonda jahon miqyosidagi sport tadbirlari va birinchiliklariga tayyorgarlik ko'rish va o'tkazish, milliy terma jamoani tayyorlash, infratuzilmani rivojlantirish va Associaciyamiz salohiyatini oshirishga texnik ko'makni kengaytirish hamda iqtidorli futbolchilarni selekciya qilish tizimini ishlab chiqish masalalariga alohida etibor qaratildi.